بواسطة برادة مجموعةمجلس ظل الدار البيضاء
#الدار البيضاء إلى الهاوية : اللي متبع الأخبار هاد اليومين غايعرف أن 2 طلبات عروض تلغاو، واحد متعلق بالخط الرابع و الثالث ديال الطرام، و واحد خاص باقتناء 700 حافلة، زيادة على خروج المدير العام لألزا يتكلم فيها عن ظروف جد صعبة في تسيير المرحلة، زيادة على فشل الجماعة في تسيير المرحلة الانتقالية بحكم أن الناس اليوم تعيش مع الحافلات القديمة و الطاكسيات في معاناة صامتة، هادشي مع تناسي حالة الطرق المحفورة و احتقار شركات الاشغال لراحة المواطن.
لكن هادشي كامل داخل في انعدام الكفاءة و ولفناه فالمنتخبين ديال كازا و أصبح شيء عادي.
الخطير هو أن كاين بعض الأطراف يزعجها هاد انعدام الكفاءة و كايعانيو نفسيا من جراء الانتقاد البناء اللي كايمارسو المواطن، لذلك ما يصدمكمش أن بعض المشاريع اللي توجد على الورق و غاتسالي بعد سنوات طويلة في أحسن الأحوال كاتوصل لمئات ديال الپارطاج ففايسبوك و منهم هاد الحافلات BHNS اللي كايهدرو عليها هاد الناس و هي مشاريع على ورق مقوى ، لكن سبحان الله مللي الناس احتجو على تحويل فضاء أخضر إلى مدرسة خصوصية تا واحد ما طالب المنتخبين يديرو خدمتهم، مع العلم أن السيد حيكر هو رئيس دار الخدمات و هو اللي كايسيني على هاد الآفة ديال المدارس الخصوصية المنتشرة برخص تعمير استثنائية كما وقع في الوازيس. الله ياخد فيهم الحق مرضونا. ..