الشاعرة ام تمام…….. 😢 ريان 😢 فتا ياريان رحلت وانت لسه باقي فينا
دا القدر مكتوب علينا ونرضي بالمقسومة لينا
طفل يادوبك صغير عشت في أطراف مدينة
لابتعرف للمداين لابتسأل انت وينا خمسه أعوام ياصغيري بالايام تتعد سنينا
وخمسة ايام في ليالي البير مهدده ليك مهينه
خطه تتلقاها خطه وكل مكينه ورا مكينه
ناس بتحفر باليالي واصلو نوم ما شافو عينه تعبو واصلو في نفيرم ليك ما داروها شينه
وكانو شايلين ليك محنه وناس بتحفر بي ايدينا
كل زولا في بلادي كان في دهشة وكان في حيرة
عشنا في احزان معاك وكانت اياما مريرة والدموع كانت بتنزل والجموع كانت غفيرة
وحبك اتربع قلوبنا الا ماباليد حيلة
كنت تتألم وصابر وبالحزن روحك عليلة والبرد يلفح وجيهك والارادة بقت عزيرة
تبقي ياريان رساله واضحة للام والعشيرة
الصغير محتاج عناية واصلو ماكان ببقي غيرا
ولما من الجب طلعت وكانت الفرحة الكبيرة وياخسارة الفرحة ماتمت وماضلت طويلا
فاضت الروح للاله الخالق الحق الجليلا
وطيرة في الجنات تحلق روحك الطاهرة الغريرة
كلمات ام تمام. للشاعرة أم تمام
بواسطة خويا مصطفى